საცალო გაყიდვების ბიზნესს წარმატებით ფუნქციონირებისთვის დიდი და რთული გამოწვევები აქვს გადასალახი, რათა მომხმარებლის გემოვნებასა და ჩვევებს მოერგოს.

თანამედროვე ტექნოლოგიებმა და ინტერნეტმა მნიშვნელოვნად შეცვალეს საცალო ვაჭრობის სფერო. სრულიად შეცვლილია პროდუქციისა და სერვისების ყიდვა-გაყიდვის პროცესი, რომელიც მთლიანად მომართულია მომხმარებლის კმაყოფილების ზრდისკენ. გთავაზობთ თანამედროვე ERP სისტემის საუკეთესო გადაწყვეტებს საცალო გაყიდვებისთვის.

• POS-ის ინტეგრაცია რელურ დროში
  ERP სისტემის ზოგადი არსი მდგომარეობს მის მიერ სრული ინფორმაციის შეგროვებასა და მის ხელმისაწვდომობაში ნებისმიერ დროს. რითეილერების წარმატების საზომი მათ მიერ გაყიდული პროდუქციის რაოდენობაა. POS-ის რეალურ დროში ინტეგრაცია კი ერთ-ერთი უმნიშვნელოვანესი ERP გადაწყვეტაა, რომელიც რითეილერებს სჭირდებათ. მსგავსი ტიპის სისტემის ინტეგრაციისას, რითეილერებს შეუძლიათ მყისიერად გაიგონ გაყიდვების დინამიკა, რაც მათ ეხმარებათ კონკრეტულ დროს რელევანტური გადაწყვეტილებების მიღებაში.
  სისტემა ეხმარება მაღაზიაში მომუშავე თანამშრომლებსაც პროდუქციის განლაგების განსაზღვრაში იმის ცოდნით, თუ რომელი პროდუქტები არ იყიდება ან რომლებია ყველაზე პოპულარული.
• საცალო გაყიდვების ანალიზი
  ERP სისტემას შეუძლია დაეხმაროს რითეილერებს მომხმარებელთან და თანამშრომლებთან ურთიერთობის გაუმჯობესებაში. პროგრამის დანერგვა გაცილებით ხელმისაწვდომი ვარიანტია, გუნდის დაქირავებასთან შედარებით, რომელიც გაყიდვების მონაცემების და მომხმარებლის ქცევის ანალიზს მოახდენს. ERP სისტემა თავადვე ახდენს მის მიერ შეგროვებული ინფორმაციის ანალიზს.
  პროგრამული უზრუნველყოფა აგროვებს და აანალიზებს ინფორმაციას მომხმარებლის ქცევის შესახებ, რათა რითეილერებს დაეხმაროს მომხმარებლისათვის უკეთესი მომსახურების გაწევაში. იგი გთავაზობთ გადაწყვეტილებებს რეალურ დროში, რათა ინფორმაცია, რომელსაც მიიღებთ არ იყოს დაგვიანებული ან არასწორი.
• საწყობისა და ინვენტარის მართვა
  ეფექტური ERP სისტემა მხოლოდ დეპარტამენტების კავშირს ან მომხმარებელთა ქცევის ანალიზს არ ითვალისწინებს. იგი ასევე უზრუნველყოფს გაყიდვების ჯაჭვის ყველა რგოლის ერთმანეთთან დაკავშირებასა და კომუნიკაციას, რაც გულისხმობს, რომ ყველა შესაბამისი თანამშრომელი, დეპარტამენტის მიუხედავად, უნდა იყოს უახლესი ინფორმაციის საქმის კურსში. როგორ შეიძლება თანამშრომელმა მიიღოს რაიმე სახის გადაწყვეტილება საწყობში პროდუქციის შესახებ ინფორმაციის ქონის გარეშე?
  ინტეგრირებული საწყობით, ნებისმიერი ცვლილება ინვენტარში ავტომატურად აისახება სისტემაში, რაც რითეილერებს ეხმარებათ თვალი ადევნონ ინვენტარს ყველა ეტაპზე, რაც ბიზნესის უკეთეს ოპერირებას უწყობს ხელს.

საცალო გაყიდვების ინდუსტრია ძალიან ფაქიზი სფეროა. ERP სისტემის ზემოთ ჩამოთვლილი უპირატესობებით რითეილერებს შეუძლიათ დარწმუნდნენ, რომ მათი ბიზნესი მაქსიმალურად ეფექტურად ოპერირებს და ინდუსტრიაში კონკურენტუნარიან ძალას წარმოადგენს.