მომსახურების ჩვენი პირობები არ დაგტოვებთ გულგრილს

1. საკუთრების უფლება და გამოყენების წესი

• 1.1
  პროგრამული უზრუნველყოფა INFINATI წარმოადგენს შპს აბსცისას საკუთრებას და მომხმარებელს გადაეცემა დროებით სარგებლობაში სალიცენზიო მომსახურების პირობებში.
• 1.2
  შპს აბსცისას ადმინისტრაცია იტოვებს უფლებას მომხმარებელთან წინასწარი შეთანხმების გარეშე მოახდინოს პროგრამული უზრუნველყოფის მოდიფიკაცია და გააკეთოს შესაბამისი განახლებები.

2. დანერგვა და ინდივიდუალური მოთხოვნები

• 2.1
  დანერგვის ღირებულების გადახდის შემდეგ მაქსიმუმ 24 საათის განმავლობაში ხდება სერვერის გამართვა დისტანციურად (თუ ჩვენგან დამოუკიდებელი მიზეზები არ იჩენს თავს როგორიცაა, კლიენტის სერვერის გაუმართავობა, ინტერნეტის ხარვეზი და ა.შ.).
• 2.2
  ინდივიდუალური მოთხოვნების დანერგვა, ღირებულება და ვადები (რაც არ არის გათვალისწინებული მიმდინარე სისტემით) დამოკიდებულია საკითხის შინაარსზე.
• 2.3
  ინდივიდუალური მოთხოვნის საფუძველზე დანერგილი ფუნქციონალის ტესტირებაზე სრულად პასუხისმგებელია მომთხოვნი მხარე.

3. მხარდაჭერა და კომუნიკაციის წესი

• 3.1
  მომხმარებლის მხრიდან ნებისმიერი საკითხის, ხარვეზის ან ტექნიკური დავალების ინიცირება უნდა მოხდეს მხოლოდ ელექტრონული ფორმით, შემდეგი არხების გამოყენებით: პროგრამაში ინტეგრირებული მხარდაჭერის სისტემის მეშვეობით, კომპანიის ოფიციალური ვებგვერდიდან გაგზავნილი წერილობითი შეტყობინებით.
• 3.2
  INFINATI-ს გუნდი ვალდებულებას იღებს განიხილოს და რეაგირება მოახდინოს მხოლოდ იმ მოთხოვნებზე, რომლებიც დარეგისტრირებულია წინამდებარე მუხლის გათვალისწინებით. სხვა შემთხვევაში, მოთხოვნა მიღებულად არ ჩაითვლება.

4. სალიცენზიო მომსახურება და წვდომა

• 4.1
  სალიცენზიო მომსახურება არის ყოველთვიური გადასახადი, რომელიც განსაზღვრავს მომხმარებლის მიერ პროგრამის გამოყენების უფლებას.
• 4.2
  სალიცენზიო მომსახურების საფასურის გადახდა ხდება წინასწარ, მიმდინარე სალიცენზიო პერიოდის ამოწურვამდე.
• 4.3
  მომხმარებელს უფლება აქვს შეუზღუდავად შეასრულოს ოპერაციები იმ კალენდარული პერიოდების ფარგლებში, რომელთა სალიცენზიო საფასურიც ანაზღაურებულია.
• 4.4
  მომხმარებელს ეზღუდება ახალი ოპერაციების წარმოება იმ კალენდარული თარიღით, რომლის საფასურიც არ არის ანაზღაურებული.

5. ანგარიშსწორება

• 5.1
  ანგარიშსწორება ხორციელდება მხოლოდ უნაღდო ფორმით.
• 5.2
  სალიცენზიო მომსახურების საფასურის კომპანიის საბანკო ანგარიშზე ასახვისთანავე, სისტემა ავტომატურად უზრუნველყოფს ლიცენზიის გააქტიურებას პერსონალის ჩარევის გარეშე.

6. უსაფრთხოება და აკრძალული ქმედებები

• 6.1
  მომხმარებელს არ აქვს უფლება INFINATI-ის გასხვისების ფინანსური სარგებლის მიღების მიზნით.
• 6.2
  მომხმარებელს ეკრძალება ნებისმიერი ქმედება, რომელიც მიზნად ისახავს პროგრამული უზრუნველყოფის არალეგალურ გამოყენებას ან სისტემის მუშაობის პროცესში ისეთ ხელოვნურ ჩარევას, რაც ზიანს აყენებს შემსრულებლის ინტერესებს.